The Team
Ken Dai
Senior Blogger
我係一個樂天嘅人，中意笑，中意同朋友仔一齊吃喝玩樂！平時中意係屋企聽下歌，多數聽英文歌！最中意聽Against The Current,Alex Goot同KHS嘅Cover！仲有畫下畫咁，中意畫動漫人物同風景咁～除左呢啲之外我都好中意去旅行！
講到我最深刻嘅旅遊經歷（海外）就係上一次同朋友仔去韓國，係一個8日7夜嘅旅行，每日都不斷Shopping同玩，不斷食！食！同食！仲有就係去左普羅旺斯村影左好多文青相！每晚唔過三點都唔訓嘅生活真係好難忘！而係本地嘅旅遊經歷就係同一大班朋友一齊係Hong Kong Island出Tour！途中聽左每個朋友對每個景點嘅介紹之後覺得自己對香港認識深左！
我最想去嘅地方就係日本嘅大阪，由其是係環球影城，果到哈利波特嘅主題樂園我真係好想去一次！買返一件屬於自己嘅魔法斗篷！體驗下做魔法師！當然唔少得要係環球影城影好多風景相！仲有其他名勝景點添！
至於心得呢就係去到韓國一定要去試佢地街邊小食！要食佢嘅水冷麵、飯卷、泡菜仲有燒肉！肥幾多膀都一定要食！一試難忘！
Yannis Wong
Senior Blogger
我性格較為慢熱，初頭俾人感覺會好似好靜咁，但係識落其實我都係一個活潑(?)既人黎既～我中意聽歌同睇戲，仲有留係屋企同三隻🐶🐶玩。
最愛既海外旅遊經歷係九月頭同一大班朋友去既韓國，雖然一開頭飛機Delay搞到好辛苦好攰，但之後每一日都玩得好開心，食左好多好味既野。本地旅遊既話最難忘就係海洋公園，一大班同學考完試之後去玩唔同既機動遊戲，好開心亦都好難忘。
暫時最想去既地方係日本既北海道，好想去睇下櫻花，平時睇相已經覺得好靚，所以希望會有機會親身去睇下。
Seize the day and stay childish stay happy❤️
係我自己既座右銘，最緊要就係抓緊每一日既時間做自己中意做既野，仲有保持自己既童真去嘗試同去睇每一樣新事物。
Patricia Chu
Senior Blogger
我叫做呀PAT，我係一個好鍾意笑既人黎，亦都好鍾意令人笑！而我外向既性格令到我好鍾意約朋友仔去街，亦都好鍾意即興既活動！咁你既人生先會夠刺激架嘛，同時都好鍾意周圍去食野，發掘下香港有咩好食。
係香港旅遊既地方我諗就只有長洲，唔多唔小我都去過3,4次架。雖然長洲唔算好大，但每次去個到都可以玩到一日。周圍食下野，影下相，踩下單車咁就過左一日。可以遠離煩囂，去輕鬆一下，長洲都可以話係一個不二之選黎。
而外地旅遊黎講，我諗我最愛既地方係日本既明古屋。因為個一次係我第一次睇雪既地方天氣又非常好，同埋係同成家人一齊去，個感覺寧舍唔同。而且個到啲便利店實在太正啦，啲野食好味到我想打包返香港！
我最想去既地方就係馬爾代夫啦。因為我好鍾意陽光與海灘，而最主要既原因係佢就黎沉，所以我更加想係佢沉之前可以去，開下眼界。
趁自己後生個陣去自己想去既地方，約自己想見既人，因為你永遠都唔會知道下一秒發生咩事。
Enjoy your life~
Dave Chan
Senior Blogger
生於香港回歸前一年既９０後廢青貓奴，鐘意貓既原因就係因為貓真係好有佢自己既性格，就係咁簡單。
自己天生份人就冇咩要求，但對於享受既野就一定唔會冇要求，特別係衣食呢兩方面，食得落肚，梗係要好，著得上身，一定要舒服。成世人一定要識得享受生活。自己之外，當然朋友係唔少得既野，得閒既時候，搵下朋友吹水，打機，食飯，行街係我尋開心既方法。當然有時候得自己一個未必係壞事，安靜既時候聽下音樂，上下高登，睇下YOUTUBE，動漫，同自己隻貓玩，做個毒拎貓奴都有自己既樂趣。
講起享受，去旅行梗係唔少得既野，係香港一定係去屯門，呢個地方消費平，野食又多款式，又有沙灘BBQ，踩單車都冇問題，想做咩都可以，最重要屯門係真係冇牛。
出國就當然去韓國啦，天氣又冇香港咁潮濕同熱，行出街唔會出晒汗，野食又好食，水冷麵真係冇得輸，想平又可以食飯卷。買野方面，無論衫定鞋都唔洗食炒價，對於我呢啲窮人一定係天大既喜訊。仲有一定要飲JUICY，同食韓牛，一定唔後悔，日日食都得。
最想去既地方會係瑞士，因為空氣好，景又靚，影相真係一流，一定要上少女峰望晒成個瑞士，同埋滑雪。當地既人生活節奏係香港既一半，去到一定要放慢腳步，感受一下當地既風土人情。
呢一世人真係唔係好多時間可以比你去享受一下人生，可能你既目標係金錢，名譽，朋友家人，但唔好唔記得左仲有自己，為其他人或事努力拚命既時候，記得有時候都要抽離自己，諗一諗其實追求緊既係咪岩自己，同自己所想既將來係唔係同一個方向，咁為自己編寫既呢一個獨一無二既故事先唔會有後悔呢兩個字。
Introduction of the team
We are “Sonic Travel”, mainly travel to Australia and Island District of Hong Kong. To find any must-go attraction and useful information for you. Our blogger also will give you some useful recommendation to help you create a best trip you ever have in these destination.